Ղեկավարվելով Հայաստանի Հանրապետության կառավարության 2011 թվականի օգոստոսի 18-ի «Վտանգավոր տարածքից բնակչության, նյութական և մշակութային արժեքների տարահանման կարգը հաստատելու մասին» թիվ 1180-Ն որոշման, «Արտակարգ իրավիճակներում բնակչության պաշտպանության մասին»  Հայաստանի Հանրապետության օրենքի 8-րդ, 11-րդ, 16-րդ և «Քաղաքացիական պաշտպանության մասին » Հայաստանի Հանրապետության օրենքի 8-րդ, 14-րդ հոդվածների դրույթներով  և հիմք ընդունելով Հայաստանի Հանրապետության Շիրակի մարզպետի 2015 թվականի փետրվարի 25-ի N27-Ա և Հայաստանի Հանրապետության Շիրակի մարզի Աշոցք համայնքի ղեկավարի Հայաստանի 2019 թվականի ապրիլի 4-ի N75-Ա որոշումները, արտակարգ իրավիճակների և ռազմական դրության ժամանակ նախապես բնակչության, նյութական և մշակութային արժեքների տարահանման պլանավորման, նախապատրաստման և միջոցառումների անցկացման ապահովման նպատակով, որոշում եմ՝

1. Հայաստանի Հանրապետության Շիրակի մարզի Աշոցք համայնքի բնակչության տարահանման հանձնաժողովի (այսուհետ տարահանման հանձնաժողով) կազմը` համաձայն հավելված 1-ի:

2.   Տարահանման հանձնաժողովի կազմում ստեղծել աշխատանքային խմբեր` համաձայն հավելված 2-ի:

       3. Հաստատել  տարահանման հանձնաժողովի կանոնադրությունը՝ համաձայն հավելված 3-ի:

       4. Առաջարկել Հայաստանի Հանրապետության Շիրակի մարզի Աշոցք համայնքում գործող  կազմակերպությունների ղեկավարներին՝ ստեղծել օբյեկտային տարահանման հանձնաժողովներ և նրանց կազմում աշխատանքային խմբեր, երկամսյա ժամկետում կազմել կազմակերպությունների տարահանման պլաններ` համաձայնեցնելով Շիրակի մարզային փրկարարական վարչության հետ:

      5.Տարահանման  հանձնաժողովին` համագործակցելով Շիրակի մարզային փրկարարական վարչության հետ եռամսյա ժամկետում լրամշակել «Աշոցք  համայնքի բնակչության տարահանման պլանը» և ներկայացնել Հայաստանի Հանրապետության Շիրակի մարզի Աշոցք համայնքի ղեկավարի հաստատմանը:

          6. Հայաստանի Հանրապետության Շիրակի մարզի Աշոցք համայնքի թվով 8 բնակավայրերի ուսումնական հաստատություններում ստեղծել բնակչության տարահանման (ընդունման) հավաքակայաններ` ՏՀԿ (ԸՀԿ) առանձին 19, 20, 43, 44, 45, 46, 47, 48, 49  թվերով համարակալված:

        7. Աշոցք համայնքի բնակչության  տարահանման (ընդունման) հավաքակայաններում պետ և պետի տեղակալներ նշանակել համապատասխան ուսումնական հաստատությունների տնօրեններին և նրանց տեղակալներին:

8. Աշոցք համայնքի բնակչության   տարահանման հավաքակայանների պետերին` որոշել տարահանման (ընդունման) հավաքակայանների կառուցվածքը և վարչակազմը, հաստատելհաստիքացուցակները, տարահանման  հանձնաժողովի նախագահի հաստատմանը ներկայացնել ՏՀԿ (ԸՀԿ) կանոնադրությունները, եռամսյա ժամկետում մշակել և  հաստատել` ՏՀԿ (ԸՀԿ) կառուցվածքային մարմինների գործառնական պարտականությունները, ինչպես նաև ապահովել ՏՀԿ (ԸՀԿ) անհրաժեշտ փաստաթղթերի և մատյանների առկայությունը:

        9.Սույն որոշման կատարման կազմակերպումն ու պատասխանատվությունը դնել Հայաստանի Հանրապետության Շիրակի մարզի Աշոցք համայնքի ղեկավարի   տեղակալի` տարահանման հանձնաժողովի նախագահի վրա: