Բովանդակություն * | Օգոստոսի 7-ին Շիրակի մարզի Աշոցք գյուղում մեկնարկեց ՀՀ տարածքային զարգացման հիմնադրամի ծրագրին մասնակցության խորհրդատվական երկօրյա սեմինար-խորհրդակցությունը, որին ներկա էին ՀՀ Տարածքային կառավարման և զարգաման նախարարի տեղակալ Վարազդատ Կարապետյանը, Շիրակի մարզպետ Արթուր Խաչատրյանը, Գերմանիայի միջազգային համագործակցության ընկերության պատասխանատու Արմեն Քեշիշյանը, Վորլդ Վիժն կազմակերպության ներկայացուցիչներ, փորձագետներ: Միջոցառման մեկնարկին Շիրակի մարզպետ Արթուր Խաչատրյանը ներկայացրեց ծրագիրը, որն է պատասխանատուների այցի նպատակը և հավելեց, որ այն միտված է համայնքների տնտեսական զարգացմանը: Հետայսու համայնքներին գումար կտրամադրվի ներկայացված ծրագրերի հիման վրա, հաջողված կլինի ծրագիրը, կլինի համապատասխան ֆինանսավորում, որն էլ կօգտագործվի նախակրթարանի կամ մշակույթի տան վերանորոգման, ենթակառուցվածքների կամ ճանապարհների վերանորոգման համար: Ըստ Արթուր Խաչատրյանի ամեն ինչ կախված է համայնքների և շահառուների ներկայացրած ծրագրերի որակից: Խորհրդատվական սեմինարի մասնակիցներին միացած ծրագրի պատասխանատուները ներկաներին մանրամասնորեն ներկայացրին ծրագրի պահանջները: Իսկ ահա սեմինար-խորհրդակցության հաջորդ օրը մասնակիցները խմբերի բաժանված, փորձագետների օգնությամբ կփորձեն ծրագրային հայտեր կազմել և ներկայացնել Հայաստանի տարածքային զարգացման հիմնադրամ:
|