| Բովանդակություն * | Խորհրդակցության ժամանակ համայնքի ղեկավարը ներկայացրեց 8 ամսվա կտրվածքով համայնքի բյուջեի սեփական եկամուտների հավաքագրման արդյունքները և հորդորեց բնակավայրերի վարչական ղեկավարներին մնացած մեկ ամսվա ընթացքում ջանքեր գործադրել բյուջեի 9 ամսվա պլանը ամբողջությամբ կատարելու ուղղությամբ: Մասնավորապես նշվեց, որ Սարագյուղ, Բավրա, Սիզավետ, Կրասար, Կարմրավան և Աշոցք բնակավայրերում վատ են հողի հարկի, Թավշուտ, Կրասար գյուղերում՝ վարձակալական վճարների, գրեթե բոլոր բնակավայրերում՝ տեղական տուրքերի և վճարների, շենք-շինությունների գույքահարկի գանձման աշխատանքները:
Խորհրդակցության ժամանակ խոսակցություն գնաց բյուջեով և հնգամյա զարգացման ծրագրով նախատեսված աշխատանքների կատարման, աղբահանության կազմակերպման, ջրամատակարարման խնդիրների մասին:
Խորհրդակցության ավարտին համայնքի ղեկավարի տեղակալը ներկայացրեց տեղերում ՀԿՏՀ-ի վարման ընթացքում նկատված թերություններն ու բացթողումները, հորդորեց խնամքով վարվել համակարգչային տեխնիկայի հետ և պահպանել անվտանգ շահագործման կանոնները:
Ամփոփելով խորհրդակցությունը համայնքի ղեկավարը կոնկրետ կատարման ժամկետներով տվեց հանձնարարականներ:
|