Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 14-րդ կետով, 70-րդ հոդվածի 2-րդ մասով, Հայաստանի Հանրապետության Շիրակի մարզի Աշոցք համայնքի ավագանու 2021 թվականի դեկտեմբերի 20–ի «Հայաստանի Հանրապետության Շիրակի մարզի Աշոցք համայնքի ավագանու կանոնակարգը ընդունելու մասին» N 4-Ա որոշմամբ հաստատված հավելվածի 34-րդ կետով և հաշվի առնելով Հայաստանի Հանրապետության Շիրակի մարզի Աշոցք համայնքի տեղական ինքնակառավարման մարմինների սեփական լիազորությունների իրականացման նկատմամբ 2024 թվականի հունիսի 3-ից 7-ը իրականացված իրավական հսկողության արդյունքների վերաբերյալ կազմված 2024 թվականի հունիսի 17-ի թիվ ԻՀ 01 արձանագրությունը, Հայաստանի Հանրապետության Շիրակի մարզի Աշոցք համայնքի ավագանին որոշում է.
- Վաղաժամկետ դադարեցնել Հայաստանի Հանրապետության Շիրակի մարզի Աշոցք համայնքի ավագանու անդամ Հերմինե Հրաչիկի Վարդանյանի լիազորությունները՝ Հայաստանի Հանրապետության Շիրակի մարզի Աշոցք համայնքի ավագանու մեկ հերթական նստաշրջանում գումարված թվով 7 նիստերի կեսից ավելին անհարգելի պատճառով բացակայելու հիմքով:
- Հայաստանի Հանրապետության Շիրակի մարզի Աշոցք համայնքի ղեկավարին՝ ապահովել սույն որոշման առաջին կետով սահմանված գործառույթների իրականացումը և սույն որոշումը ուժի մեջ մտնելուց հետո յոթ աշխատանքային օրվա ընթացքում ուղարկել համապատասխան ընտրատարածքային ընտրական հանձնաժողով։
- Սույն որոշումն ուժի մեջ է մտնում Հերմինե Հրաչիկի Վարդանյանին պատշաճ իրազեկելու օրվան հաջորդող օրվանից:
|