ՆԿԱՐԱԳՐՈՒԹՅՈՒՆ
|
|
Արցախից բռնի տեղահանված մեր հայրենակիցներին աջակցելու նպատակով Երևանի պետական համալսարանում ձևավորվել են կամավորական 6 խմբեր տարբեր ուղղություններով (իրավական հարցեր, հոգեբանական աջակցություն, տեղեկատվական կենտրոն, փաստերի հավաքագրում, կացարանների բանկ, հումանիտար աջակցություն և լոգիստիկ հարցեր)։
 Հոկտեմբերի 2-ից սկսելու են գործել իրավական և հոգեբանական աջակցություն տրամադրող խմբերը։
 ԵՊՀ իրավագիտության ֆակուլտետի իրավաբանական կլինիկան Արցախից բռնի տեղահանված և իրավական խնդիրներ ունեցող մեր հայրենակիցներին մատուցելու է իրավաբանական անվճար ծառայություններ (բանավոր խորհրդատվություններ, անհրաժեշտ իրավական փաստաթղթերի կազմում)։ Դիմելու համար անհրաժեշտ է մոտենալ ԵՊՀ իրավագիտության ֆակուլտետ (2-րդ ուսումնական մասնաշենք) կամ զանգահարել (+374 60) 710 241 հեռախոսահամարին։
 ԵՊՀ փիլիսոփայության և հոգեբանության ֆակուլտետը և ԵՊՀ կիրառական հոգեբանության կենտրոնը, ստեղծված ճգնաժամային ծանր իրավիճակում խիստ կարևորելով մեր հայրենակիցների հոգեկան առողջությունը և մասնագիտական աջակցության տրամադրումը, համագործակցելով մի շարք գործընկեր կազմակերպությունների հետ, պատրաստակամ են՝ մատուցելու հոգեբանական անվճար ծառայություններ Արցախից բռնի տեղահանված մեր հայրենակիցներին (չափահասներին և երեխաներին)։ Կենտրոնի հետ կապ հաստատելու համար անհրաժեշտ է զանգահարել (+374 77) 105 259, (+374 94) 093 409 հեռախոսահամարներին։
|