|
18.06.19
Սիզավետի արոտավայրերում նոր ջրխմոցներ են տեղադրվել
|
|
Աշոցք համայնքի Սիզավետ բնակավայրի արոտավայրերում միշտ էլ ուշադրության են արժանացել անասունների խմելու ջրի ապահովման հարցերը: Օրերս էլ գյուղի բնակչության ջանքերով <<Աջռնոց>> կոչվող հանդամասում ոչ միայն վերանորոգվել են բետոնյա գռները, այլև 18 մետր երկարությամբ և հավելյալ 3000 լիտր տարողությամբ նոր ջրխմոցներ են տեղադրվել: Նախաձեռնությանը միացել է համայնքապետարանը՝ տրամադրելով խողովակներ և անհրաժեշտ այլ նյութեր:
|
|
|
17.06.19
Աշոցքում հիմնվել է Եվրոպական ծառուղի
|
|
Երեկ կրկին մարդաշատ էր Աշոցքի դահուկային կենտրոնի շրջակայքը, բայց այս անգամ մարդիկ այստեղ էին հավաքվել ոչ թե դահուկորդների մրցելույթները հետևելու, այյ՝ ծառատունկի: Եվրոպական միության հերթական նախաձեռնությունը միտված էր համայնքում կանաչ տարածքների ավելացմանը և բնապահպանական միջավայրի բարելավմանը: Պուրակի հիմնման միջոցառմանը մասնակցում էին Հայաստանում Եվրամիության պատվիրակության ղեկավար, դեսպան Պյոտր Սվիտալսկին, ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, Շիրակի մարզպետ Տիգրան Պետրոսյանը և բազմաթիվ այլ հյուրեր։ Պուրակում տնկվեց 45 կեչի և 45 արոսենի։ Համայնքի ձմեռային մարզաձևերի խմբակներում ընդգրկված սաներն էլ խաստացան, որ կզբաղվեն տնկիների խնամքով: Օրը ...
Մանրամասն |
|
|
14.06.19
Սիզավետ և Կարմրավան բնակավայրերում գիշերային լուսավորության համակարգեր են ստեղծվել
|
|
Աշոցք համայնքի Սիզավետ և Կարմրավան բնակավայրերում ավարտվել են գիշերային լուսավորության համակարգերի կառուցման աշխատանքները: Սիզավետում տեղադրվել են 27, իսկ Կարմրավանում՝ 18 լուսատուներ: Ծախսերը կատարվել են համայնքի բյուջեից և կազմել 2100,0 հազար դրամ: Նախատեսվում է առաջիկայում այդ նոր համակարգերը ընդլայնել՝ ընդգրկելով արդեն բնակավայրերի ծայրամասային հատվածները: Իրականացված այս ծրագրով փաստորեն ավարտվեցին Աշոցք խոշորացված համայնքի 11 բնակավայրերի գիշերային լուսավորության համակարգերի ստեղծման աշխատանքները:
|
|
|
08.06.19
Շաբաթօրյակ և մաքրության օր Աշոցք համայնքում
|
|
Համապետական շաբաթօրյակների ու մաքրության օրերի անցկացումը մեզանում արդեն ավանդույթ է դարձել: Եվ ահա այսօր՝ հունիսի 8-ին, տեղի ունեցավ դրանցից հերթականը, որին մասնակցեցին նաև Աշոցք համայնքի բնակիչներ, հիմնարկությունների ու կազմակերպությունների աշխատակիցներ, սովորողներ, բոլոր նրանք, ովքեր կարևորում են մաքրությունը: Միջոցառմանը ընդհանուր հաշվով մասնակցեցին համայնքի կազմի մեջ մտնող 11 բնակավայրերի շուրջ 480 բնակիչներ: Մաքրվեցին բնակավայրերի փողոցներն ու մայթերը, միջբնակավայրային ճանապարհերի ճամփեզրերը, հուշարձանների, մատուռների ու եկեղեցիների շրջակայքերը, շենքերի ու առանձնատների բակերը: Միջոցառման ընթացքում օգտագործվեց 9 միավոր տեխնիկա, մոտ 150 ձեռքի գործիք, հավաքվեց և համայնքային ...
Մանրամասն |
|
|
03.06.19
Հունիսի 8-ին՝ համապետական շաբաթօրյակ
|
|
Աշոցք համայնքի հարգելի բնակիչներ 2019 թվականի հունիսի 8-ը հայտարարված է համապետական շաբաթօրյակի օր: Կոչ ենք անում բոլորիդ մասնակից դառնալ այդ չափազանց կարևոր նախաձեռնությանը: Առանց ձեզ համայնքի տեղական ինքնակառավարման մարմինները ի զորու չեն ապահովել հարազատ համայնքի բնակավայրերի մաքրությունն ու պահպանությունը: Միասին գործենք մեր շրջապատը ավելի մաքուր և բարեկարգ դարձնելու համար: Աշոցքի համայնքապետարան
|
|
|
01.06.19
ՀՈՒՆԻՍԻ 1-Ը ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐՆ Է
|
|
Արդեն ավանդույթ է դարձել, որ հունիսի 1-ին համայնքի կենտրոնի և շրջակա գյուղերի մանուկները հավաքվում են Աշոցքի հրապարակի շրջակայքում և միասին նշում իրենց տոնը: Այդպես էր նաև այս տարի: Միակ տարբերությունն այն էր, որ այս անգամ ավելի շատ էր խինդն ու ծիծաղը, երգն ու պարը, բնականաբար, նաև անակնկալները: Մանուկները հնարավորություն ունեցան հրապարակում հավաքվածներին ներկակայացնել իրենց բազմաթիվ շնորհները, կապված արվեստի, սպորտի, կամ մեկ այլ բնագավառի հետ: Անգամ բազմազբաղ փրկարարներն էին ժամանակ գտել և շտապել մանուկներին ուրախացնելու՝ իրենց հետ բերելով փուչիկներով զարդարված նոր ստացված հրշեջ ավտոմեքենան, որի մոտ նկարվելու ցանկություն ունեցող փոքրիկների թիվը չէր պակասում: Տոնը ստացվեց, երեխաները ...
Մանրամասն |
|
|
31.05.19
Արոտային շրջանի նախապատրաստություն
|
|
Այս օրերին համայնքի տարբեր բնակավայրերի արոտավայրերում աշխատանքներ են տարվում սար բարձրացողների կեցության պայմանների բարելավման, անասուններին խմելու ջրով ապահովման և բազմաթիվ այլ խնդիրների լուծման նպատակով: Ընթացքի մեջ է «Համայնքների գյուղատնտեսական ռեսուրսների կառավարման և մրցունակության» երկրորդ ծրագրի շրջանակներում Զույգաղբյուր, Մեծ Սեպասար և Ղազանչի բնակավայրերի արոտների ջրարբիացման ծրագիրը, որը կոչված է մեկընդմիշտ լուծելու հիշյալ գյուղերի արոտների հետ կապված բոլոր խնդիրները: Իսկ մինչ այդ Մեծ Սեպասարի արոտավայրում այս տարի ևս կօգտվեն անասունների խմելու ջրի հին ջրավազանից: Վերջին օրերին այստեղ կատարվել են ավազանի պատերի ամրացման, ջրահավաք առուների մաքրման և այլ ...
Մանրամասն |
|
|
31.05.19
Աշոցքի արվեստի դպրոցի սաները ուսումնական տարին փակեցին համերգով և ցուցահանդեսով
|
|
2018-2019 ուսումնական տարին Աշոցքի արվեստի դպրոցի սաները փակեցին համերգով և ցուցահանդեսով: Դաշնամուրի և քանոնի դասարանների սովորողները կատարեցին հայ և արտասահմանյան կոմպոզիտորների ստեղծագործություններ: Դեկորատիվ կիրառական արվեստի բաժնի կերպարվեստի և ձեռագործության դասարանների սաները ցուցադրեցին իրենց աշխատանքները: Ելույթ ունեցան նաև պարարվեստի խումբն ու դպրոցի երգչախումբը: Միջոցառումը դպրոցի ուսուցչական կոլեկտիվի կատարած աշխատանքների ու սաների հմտությունների յուրօրինակ հաշվետվություն էր, որը գնահատվեց հանդիսատեսի ծափերով:
|
|
|
24.05.19
Աշոցք համայնքի ղեկավար Կարեն Մանուկյանի շնորհավորական ուղերձը շրջանավարտներին
|
|
Սիրելի շրջանավարտներ Շնորհավորում եմ ձեզ, ձեր մանկավարժներին ու ծնողներին Վերջին դասի և Վերջին զանգի կապակցությամբ: Դուք այսօրվանից ձեր կենսագրության նոր էջն եք բացում և ես հուսով եմ, որ անցնելիք ճանապարհը բոլորիդ համար հարթ ու հաղթահարելի կլինի: Մենք հավատում ենք ձեր ուժերին, կամքին ու նպատակներին հասնելու վճռականությանը, մենք վստահում ենք ձեզ: Մաղթում եմ ձեզ հաջողություններ և ամենայն բարիք, ապրեք խաղաղ, ապահով ու երջանիկ:
|
|
|
17.05.19
ՀՀ Շիրակի մարզի Աշոցք համայնքի ավագանու հերթական նիստի անցկացման մասին
|
|
ՀՀ Շիրակի մարզի Աշոցք համայնքի ավագանու հերթական նիստը կկայանա 2019 թվականի մայիսի 29-ին, ժամը՝ 15:00-ին, համայնքապետարանի շենքում: Համայնքապետարանի աշխատակազմ
|
|
| 1 2 3 4 5 6 7 8 9 10 ... |