2020թ. դեկտեմբերի 8-ին Աշոցքի համայնքապետարանում հանրային քննարկում էր կազմակերպվել նվիրված համայնքի 2021 թվականի բյուջեի նախագծին: Քննարկմանը մասնակցում էին համայնքապետարանի  աշխատակազմի աշխատակիցներ, բնակավայրերի վարչական ղեկավարներ, համայնքային ոչ առևտրային կազմակերպությունների ղեկավարներ, հաշվապահներ, հասարակայնության  ներկայացուցիչներ, ավագանու անդամներ: Նախագիծը ներկայացրեց համայնքապետարանի աշխատակազմի առաջատար մասնագետ-հաշվապահ Նարինե Հարությունյանը:  Առանձին հոդվածներով նախատեսված ծախսերի վերաբերյալ պարզաբանումներ և հիմնավորումներ տվեց համայնքի ղեկավարին փոխարինող Լևոն Կոնդյանը: Այնուհետև ծավալվեց քննարկում, որի ժամանակ մասնակիցները իրենց կարծիքը հայտնեցին նախագծի վերաբերյալ: Եղան բազմաթիվ առաջարկություններ և դիտողություններ, որոնք հաշվի կառնվեն նախագծի լրամշակման ընթացքում: