Աշոցք համայնքի ղեկավար Կարեն Մանուկյանի գլխավորությամբ տեղի է ունեցել ընդլայնված աշխատանքային խորհրդակցություն` աշխատակազմի բոլոր աշխատակիցների մասնակցությամբ:

Խորհրդակցության ընթացքում համայնքի ղեկավարը խոսել է համայնքում կատարված և ընթացքի մեջ գտնվող սուբվենցիոն ծրագրերից, համայնքի բյուջեի սեփական եկամուտների պլանավորումից և հավաքագրումից:

Աշխատակազմի քարտուղարը և համապատասխան կառուցվածքային ստորաբաժանումների ղեկավարները խոսել են նախորդ տարվա կատարողականի, պլանավորված անելիքների մասին: Քննարկվել են քաղաքաշինության և գյուղատնտեսության, ֆինանսական, կրթական, սոցիալական, կադրային գործի, անձնակազմի կառավարման, կոմունալ սպասարկման հետ կապված հարցեր:

Քննարկվել են նաև աշխատանքային ներքին կարգապահական հարցեր:

   Համայնքի ղեկավարի կողմից կարևորվել է աշխատանքի ճիշտ պլանավորումն ու կազմակերպումը, հանձնարարականներ տրվել վարչական ղեկավարներին և ոլորտային պատասխանատուներին: