Զեկ. ԿԱՐԵՆ ՄԱՆՈՒԿՅԱՆ

Քաղաքացի Արթուր Սերգեյի Սարգսյանը դիմել է (դիմումը մուտքագրված է Աշոցքի համայնքապետարանում 2025 թվականի հուլիսի 18-ին, մտից թիվ 1111-ով) Աշոցք համայնքի ղեկավարին Հայաստանի Հանրապետություն, Շիրակի մարզ, Աշոցք համայնք, գյուղ Աշոցք 1-րդ փողոց, 1-ին անցուղի, 1 առևտրի կետ հասցեում, սեփականության իրավունքով իրեն պատկանող (անշարժ գույքի նկատմամբ իրավունքների պետական գրանցման N 11042025-08-0021 վկայական) հողամասին հարակից` Հայաստանի Հանրապետություն, Շիրակի մարզ, Աշոցք համայնք, գյուղ Աշոցք, 1-ին փողոց, 1-ին անցուղի, 1/1 հողամաս հասցեում գտնվող, բնակավայրերի հողեր նպատակային նշանակության, հասարակական կառուցապատման գործառնական նշանակության 0.00430 հեկտար մակերեսով համայնքապատկան հողամասն (վկայական N 26062025-08-0001) առևտրի կետի պահպանման ու սպասարկման տարածքի ընդլայնման համար ուղղակի վաճառքի միջոցով իրեն օտարելու խնդրանքով: Հայաստանի Հանրապետության կառավարության 2016թ. մայիսի 26-ի թիվ 550-Ն որոշման 1-ին մասի 1-ին, 2-րդ, 6-րդ և 7-րդ ենթակետերի պահանջներին համապատասխան՝ օտարվող հողամասը որպես առանձին գույքային միավոր հնարավոր չէ օտարել աճուրդային կարգով։ Քննարկվող հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի կազմում, չի գտնվում հաստատված պետական կամ համայնքային նշանակության քաղաքաշինական համալիր ծրագրերով նախատեսված գոտիներում, հողամասի օտարումը չի խախտում այլ անձանց իրավունքները և oրենքով պահպանվող շահերը կամ վտանգ չի uպառնում քաղաքացիների կյանքին ու առողջությանը։ Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ և 8-րդ կետերով, 2-րդ մասի, Հայաստանի Հանրապետության կառավարության 2001 թվականի մայիսի 12-ի N 286 որոշմամբ հաստատված «Պետական և համայնքային սեփականություն հանդիսացող հողամասերի տրամադրման կարգի» 6-րդ կետի դրույթներով, հիմք ընդունելով Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին մասի 1-ին, 2-րդ, 6-րդ և 7-րդ ենթակետերը, Հայաստանի Հանրապետության Շիրակի մարզի Աշոցք համայնքի ավագանին որոշում է՝

1. Թույլատրել Հայաստանի Հանրապետության Շիրակի մարզի Աշոցք համայնքի վարչական տարածքում գտնվող համայնքային սեփականություն հանդիսացող, Հայաստանի Հանրապետություն, Շիրակի մարզ, Աշոցք համայնք, գյուղ Աշոցք, 1-ին փողոց, 1-ին անցուղի, 1/1 հողամաս հասցեում գտնվող, բնակավայրերի հողեր նպատակային նշանակության, հասարակական կառուցապատման գործառնական նշանակության 0.00430 հեկտար մակերեսով համայնքապատկան 08-015-0045-0054 կադաստրային ծածկագրով հողամասը (վկայական N 26062025-08-0001), հողի կադաստրային արժեքով` 6110 (վեց հազար հարյուր տաս) Հայաստանի Հանրապետության դրամով, ուղղակի վաճառքի միջոցով օտարել քաղաքացի Արթուր Սերգեյի Սարգսյանին առևտրի կետի պահպանման ու սպասարկման տարածքի ընդլայնման նպատակով:
2. Հայաստանի Հանրապետության Շիրակի մարզի Աշոցք համայնքի ղեկավարին` Հայաստանի Հանրապետության օրենսդրությամբ սահմանված կարգով քաղաքացու հետ կնքել սույն որոշման 1-ին կետով նախատեսված հողամասի առուվաճառքի պայմանագիր և ապահովել սույն որոշումից բխող իրավունքների պետական գրանցումը` քաղաքացու միջոցներով: