Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 39-րդ կետի դրույթներով և հաշվի առնելով,որ ինքնակամ շինությունն իրականացրած <<Հայաստանի Հայ Կաթողիկէ Եկեղեցի>> կրոնական կազմակերպությունը 2022 թվականի դեկտեմբերի 14-ի դիմումով ընդունել է Հայաստանի Հանրապետության օրենսդրությամբ սահմանված կարգով օրինական ճանաչված և համայնքի սեփականությունը համարվող 12.9 քառակուսի մետր պարիսպը, ինչպես նաև դրա պահպանման ու սպասարկման համար նախատեսված համայնքի սեփականությունը հանդիսացող 08-019-0024-0009 կադաստրային ծածկագրով 0.024184 հեկտար մակերեսով բնակավայրերի հողերի նպատակային նշանակության, հասարակական կառուցապատման գործառնական նշանակության հողամասի ուղղակի վաճառքով գնման նախապատվության իրավունքը, Հայաստանի Հանրապետության Շիրակի մարզի Աշոցք համայնքի ավագանին որոշում է՝
1. Ընդունել Հայաստանի Հանրապետության Շիրակի մարզի Աշոցք համայնքի ղեկավարի առաջարկությունը և Հայաստանի Հանրապետության Շիրակի մարզի Աշոցք համայնքի սեփականությունը համարված, ինքնակամ կառուցված և օրինական ճանաչված 12.9 քառակուսի մետր մակերեսով պարիսպը (հիմքը` անշարժ գույքի նկատմամբ իրավունքների պետական գրանցման թիվ 11102022-08-0024 վկայական), ինչպես նաև դրա պահպանման ու սպասարկման համար նախատեսված համայնքի սեփականություն հանդիսացող 08-019-0024-0009 կադաստրային ծածկագրով 0.024184 հեկտար մակերեսով բնակավայրերի հողերի նպատակային նշանակության, հասարակական կառուցապատման գործառնական նշանակության հողամասը (անշարժ գույքի հասցեն` մարզ Շիրակ, համայնք Աշոցք գյուղ Արփենի 7-րդ փողոց 4/2 պարիսպ) ուղակի վաճառքով, գնման նախապատվության իրավունքով` 157920 (մեկ հարյուր հիսունյոթ հազար ինը հարյուր քսան) դրամ արժեքով օտարել կառուցապատողին` <<Հայաստանի Հայ Կաթողիկէ Եկեղեցի>> կրոնական կազմակերպությանը:
2. Հայաստանի Հանրապետության Շիրակի մարզի Աշոցք համայնքի ղեկավար Կարեն Մանուկյանին` Հայաստանի Հանրապետության օրենսդրությամբ սահմանված կարգով կազմակերպության հետ կնքել անշարժ գույքի առուվաճառքի պայմանագիր և ապահովել սույն որոշումից բխող իրավունքների պետական գրանցումը՝ <<Հայաստանի Հայ Կաթողիկէ Եկեղեցի>> կրոնական կազմակերպության միջոցներով: