Ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 10-րդ մասի, Հայաստանի Հանրապետության Հողային օրենսգրքի 8-րդ հոդվածի 1-ին մասի դրույթներով և հաշվի առնելով <<ԱՐԾԱԹԵ ՍՅՈՒՆ>> սահմանափակ պատասխանատվությամբ ընկերության գործադիր տնօրենի 2019 թվականի օգոստոսի 1-ի դիմումը, Հայաստանի Հանրապետության Շիրակի մարզի Աշոցք համայնքի ավագանին որոշում է՝

1. Համաձայնություն տալ Հայաստանի Հանրապետության Շիրակի մարզի Աշոցք համայնքի Գոգհովիտ բնակավայրի հողերի օգտագործման ժամանակավոր սխեմայում հողամասի նպատակային նշանակությունը փոխելու վերաբերյալ համայնքի ղեկավարի առաջարկին, համաձայն որի նախատեսվում է` Հայաստանի Հանրապետության տարածքային կառավարման և ենթակառուցվածքների նախարարի 2021 թվականի փետրվարի 15-ի թիվ 171-Ա հրամանով <<ԱՐԾԱԹԵ ՍՅՈՒՆ>> սահմանափակ պատասխանատվությամբ ընկերությանը տրամադրված ընդերքօգտագործման իրավունքը հավաստող փաստաթղթերում կատարված փոփոխությունների համաձայն /2019 թվականի մայիսի 14-ի թիվ Լ-601 լեռնհատկացման ակտ, ընդերքի շահագործման թիվ ՇԱԹ-29/601 թույլտվություն/ Աշոցք համայնքի Գոգհովիտ բնակավայրի տարածքում գտնվող բազալտի հանքավայրում օգտակար հանածոյի արդյունահանման և թափոնների վերամշական համար նախատեսված 08.034-0108-0029 կադաստրային ծածկագրով հողատարածքում գտնվող 1.34631 հեկտար համայնքի սեփականություն հանդիսացող գյուղատնտեսական նշանակության արոտ հողատեսք հողամասը փոխադրել արդյունաբերության, ընդերքօգտագործման և այլ արտադրական նշանակության օբյեկտների հողերի կատեգորիա՝ ընդերքի օգտագործման համար տրամադրված հողամասերի գործառնական նշանակություն՝ ընկերության կողմից այդ հողամասում բազալտի արդյունահանում իրականացնելու, ընդերքօգտագործման թափոնների վերամշակում, հանքակոպճի արտադրություն կազմակերպելու և հողամասի նպատակային ու գործառնական նշանակությանը համապատասխան թույլատրված հողօգտագործում ապահովելու համար:
2. Հայաստանի Հանրապետության Շիրակի մարզի Աշոցք համայնքի ղեկավար՝ Կարեն Մանուկյանին`

         Հայաստանի Հանրապետության կառավարության 2011 թվականի դեկտեմբերի 29-ի թիվ 1918-Ն որոշմամբ սահմանված կարգով` Հայաստանի Հանրապետության Շիրակի մարզի Աշոցք համայնքի Գոգհովիտ բնակավայրի հողերի օգտագործման ժամանակավոր սխեմայում սույն որոշման 1-ին կետում նշված հողամասի նպատակային նշանակությունը փոխելու նպատակով կազմել համապատասխան հողաշինարարական գործ և ներկայացնել Հայաստանի Հանրապետության Շիրակի մարզպետին: