Ղեկավարվելով «Տեղական ինքնակառավարման մասին» Հայաստանի Հանրապետության օրենքի 34-րդ հոդվածի 5-րդ և 7-րդ մասերով, «Համայնքային ծառայության մասին» Հայաստանի Հանրապետության օրենքի 26-րդ հոդվածի 1-ին մասի «բ» կետով, հաշվի առնելով Հայաստանի Հանրապետության տարածքային կառավարման և ենթակառուցվածքների նախարարի 2022 թվականի նոյեմբերի 3-ի թիվ ԳՍ/15.4/29384-2022, Հայաստանի Հանրապետության Շիրակի մարզպետի տեղակալի 2022 թվականի նոյեմբերի 03-ի թիվ 02.1//08883-2022 գրությունները և Հայաստանի Հանրապետության Շիրակի մարզի Աշոցք համայնքի ղեկավարի առաջարկությունը, Հայաստանի Հանրապետության Շիրակի մարզի Աշոցք համայնքի ավագանին որոշում է՝

1. Հաստատել  Հայաստանի Հանրապետության Շիրակի մարզի Աշոցքի համայնքապետարանի   աշխատակազմում   համայնքային  ծառայության տվյալ պաշտոնի ենթախմբին համապատասխանող դասային աստիճանից բարձր դասային աստիճան ունեցող համայնքային ծառայողների համար   պաշտոնային   դրույքաչափի   նկատմամբ   սահմանվող   հավելավճարի   կիրառման   կարգը  և չափը՝ համաձայն հավելված N1-ի:
2. Հաստատել համայնքային ծառայության բնագավառում  աշխատակազմի համայնքային ծառայողների՝ Հայաստանի Հանրապետության Շիրակի մարզի Աշոցքի  համայնքապետարանի   աշխատակազմում   ունեցած   երկար   տարիների   աշխատանքային   ստաժի   համար սահմանվող հավելավճարի կիրառման կարգը և չափը՝ համաձայն հավելված N2-ի
3. Սույն որոշումն ուժի մեջ է մտնում 2023 թվականի հունվարի 1-ից: