Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 19-րդ, 21-րդ կետերով և Հայաստանի Հանրապետության Շիրակի մարզի Աշոցք համայնքի <<Աշոցք համայնքի կոմունալ սպասարկում>> համայնքային ոչ առևտրային կազմակերպության կանոնադրության 24-րդ կետի դրույթներով և հիմք ընդունելով Հայաստանի Հանրապետության Շիրակի մարզի Աշոցք համայնքի ղեկավարի առաջարկությունը՝ Հայաստանի Հանրապետության Շիրակի մարզի Աշոցք համայնքի ավագանին որոշում է՝

1. Ուժը կորցրած ճանաչել Հայաստանի Հանրապետության Շիրակի մարզի Աշոցք համայնքի ավագանու 2022 թվականի ապրիլի 8-ի «Հայաստանի Հանրապետության Շիրակի մարզի Աշոցք համայնքի սեփականություն հանդիսացող գյուղատնտեսական տեխնիկաները, սարքավորումները և տրանսպորտային միջոցները «Աշոցք համայնքի կոմունալ սպասարկում» համայնքային ոչ առևտրային կազմակերպությանը անհատույց օգտագործման իրավունքով տրամադրելու և ծառայությունների դիմաց վարձավճարների չափերը ու պայմանները սահմանելու մասին» N 31-Լ որոշումը։
2. Հայաստանի Հանրապետության Շիրակի մարզի Աշոցք համայնքի սեփականություն հանդիսացող գյուղատնտեսական տեխնիկաները, սարքավորումները և տրանսպորտային միջոցները անհատույց օգտագործման իրավունքով տրամադրել «Աշոցք համայնքի կոմունալ սպասարկում» համայնքային ոչ առևտրային կազմակերպությանը համաձայն հավելվածի 1-ի:
3. Սահմանել տրամադրվող տեխնիկաների և տրանսպորտային միջոցների մատուցած ծառայությունների դիմաց վարձավճարների չափը և պայմանները՝ համաձայն հավելվածի 2-ի:
4. Սույն որոշումն ուժի մեջ է մտնում հրապարակմանը հաջորդող օրվանից: